Lider aldaketa Lehen Mailan. LBC Cocinas.com taldeak lehen postua hartu du Urgatziren porrota ostean, etxean Getxoren aurka. Bigarren Mailan, Alkideba Ointxek lidergoa sendotu zuen Estudios y Obras Rekalderi irabazita.
LEHEN MAILA
11. jardunaldia hasi zen liderraren porrotarekin. Urgatzik gadu egin zuen etxean Getxo handiaren aurka, Mikel Fernandez den MVP-ren 25 puntuek eta 6 hirukoek bultzatuta. Bizkaitarrak ihes egin ziren hirugarren laurdenean (51-61) eta bere aldea oso ondo gorde zuten (72-82).
LBC Cocinas.com-ek ez zuen aukerarik desaprobetxatu eta lidergoa hartu zuen, Atletico San Sebastián gaindituz (86-57), atsedenaldian erabakitako neurketa batean (47-22). Eta derbi gipuzkoarra ere epaituta egon zen bigarren laurdenaren ondoren (44-31): Tecnun Askatuak-ek argi eta garbi irabazi zion Arri BKL Senior Mutilak taldeari (84-56).
Larunbata itxi zen bi etxetik kanpoko garaipenekin. Redline Mekanika TAKEk garaipena eskuratu zuen Fundacion Bilbao Basket-en zelaian (47-56), bigarren zati onari esker. Eta Azpeitian, Leioa SBT-ak Disdira Bitxitegiari irabazi zion.
BIDEO LABURPENA
Eta igandean, bere 2020 urteko lehen partiduan, Universidad Deusto Loiola Indautxuk Aranguren Mutilbasket-i gailendu zioe (63-57). Bi puntu besterik ez saskiratu zituzten bilbotarrek bigarren laurdenean, baina Javier Diez-en mutilek ondo erreakzionatu zuten bigarren zatian.
BIGARREN MAILA
Lidergoa jokoan zegoen Iturripen eta ez zen handik atera. Alkideba Ointxek liderrak Estudios y Obras Rekalderi irabazi zion 71-68ko emaitzarekin, emozioz handiko neurketan. Bilbotarren hasiera bikaina (7-21), etxekoen pixkanakako erremontada (55-51 hirugarren laurdenaren amaieran) eta bisitariek bi hiruko izan zituzten 5 minutu gehiago jokatzeko.
Unamunoren porrotak bigarren postua eman dio Mungiari. Bizkaitarrek argi eta garbi gainditu zuten Rodamientos Arizti (76-51).
Pixka bat azpitik, estutu egin da Igoera Fase jokatzeko borroka. Berdinketa hirukoitza La Salle, Lakua Centro San Prudencio eta Hotel Gran Bilbao Berrio Otxoa taldeen artean. Bi lehengoek etxean irabazi egin zuten Mekalki Aloña Mendi KE-ren (65-53) eta Askartza Claret-en aurka (84-79), hurrenez hurren. Eta hirugarrenak porrota jaso zuen Salleko Renault Autonervion-en aurrean, jardunaldko amaieran (60-73). Sestaotarrak zazpigarren postuan daude, sei garaipenekin.
Eta beheko postutan ere dago emozio handia. Azken bi postutan dauden taldeek garaipena eskuratu zuten. Tabirako Baquék asteburua ireki zuen Erroibide Cárnicas San Marcial irabazita (71-52). Eta lehia zuzen batean, Easo Tordowinek Cafetería Tártalo Ibaizabal gainditu zuen (63-56).
