Gasteizko taldeak jardunaldi bikoitza aprobetxatu zuen laugarren garaipena eskuratzeko eta Igoera Faseko lidergoan ihes egiteko. Eta Lehen Mailan, 2-0eko balantzea Universidad Deusto Loiola Indautxurentzat: bilbotarrek berriro etxean eta 2 puntugatik irabazi egin zuten.
LEHEN MAILA – IGOERA FASEA
Universidad Deusto Loiola Indautxu da Igoera Faseko lider berria. Pasaden jardunaldian bezala, bilbotarrek 2 puntugatik irabazi zioten (52-50) Aranguren Mutilbasket taldeari eta porrotik gabe mantentzen dira. Neurketa parekatua 40 minutuetan eta hirukoen lehia azken laurdenean: zazpi bi taldeen artean. Badiolak, birekin, garaipena eman zien etxekoei.
Eta Judimendin, Araskik ez zion aukerarik eman Navarro Villoslada Basket Navarrari (70-48). Hasierako 14-3koa eta, bigarren zatiko hasieran nafarroarren erreakzioaren ondoren (33-27), 10-2koa partida erabakita uzteko.
LEHEN MAILA – FEDERAZIO KOPA
Lau ordu-tarteak eta lau etxeko garaipenak. Ostiralean, Tabirako Baquek postu bat igo zuen, Bera Bera Bultz gainditzeari esker (57-50). Larunbateko goizean, Easo Lorea Gourmet-ek garaipen estutua eskuratu zuen Leioaren aurrean (54-50). Arratsaldean, Campus Prometek bolada onean jarraitu zuen: 67-52ko emaitza Lointek Gernikaren aurka. Eta igandean, Megacalzado Ardoik La Rioja ABN-ri irabazi zion (50-45).
BIGARREN MAILA – IGOERA FASE
Afilados Gasteiz Araba da Igoera Faseko jardunaldi bikoitzaren garaile handia. Gasteiztarrek bai Txintxu Gozotegiari (55-46) bai San Ignaciori (66-73, erremontada bikainaren ondoren) irabazi zioten eta ihes egin dira lidergoan: 4-0eko balantzea eta bi garaipeneko aldea bigarren postuarekiko.
Berdinketa hirukoitza dago posizio horretan, ISB, San Ignacio eta Askartzaren artean. Larunbatean, nafarrek Leioan irabazi egin zuten (50-55); Arkaitz Duroren taldeak Maristas Auto Iregua gainditu zuen igandean. Bere aldetik, gipuzkoarrek bi porrot jaso zituzten.
Eta Maristas Auto Iregua eta Kaleangora Liceo Monjardin estreinatu dira Igoera Fasean.
BIGARREN MAILA – FEDERAZIO KOPA
Hirutik hiru Navasket-entzat: nafarrek erraz irabazi zioten Agencia TBC Jacobeo Alberiteri (39-70). Salesianos Ikastetxeko Bizkaiko derbian, nahiz eta Barakaldo Basket-en 5 hiruko azken laurdenean, Getxok garaipena eskuratu zuen (45-50). Gascan, hirugarren laurdenean ihes egin zen Atlético San Sebastian, Lagunak Furgovip gainditzeko. Eta inmobiliaria Dato40 Tojuk irabazi egin zuen Mungiaren aurkako lehia oso parekatuan (48-44).
