Iruki Take Tolosa – Tolosako Adiskideok taldeak datorren 2025eko irailaren 6an, larunbata, jokatuko du bere lehen nazioarteko partida BENNA Eurorregiones proiektuaren baitan, Frantziako ADLB (NM2) taldearen aurka. Neurketa 20:30ean hasiko da, Salle Maurice Boyau kiroldegian (Dax), eta Journée GALA des Champions ekitaldiaren barne dago. Partida honek talde tolosarraren lehen esperientzia izango du mugaz gaindiko txapelketa batean.

Artetxe: “Esperientzia hauek partekatzea aberasgarria da”

Tolosako entrenatzaileak, Goar Artetxek, aukera bikaina dela nabarmendu zuen prestaketa mailan:

“Ekimen oso interesgarria iruditzen zait. Ipar Euskal Herriko taldeekin esperientziak partekatzea ziur aberasgarria izango dela. Han jokatzen den saskibaloia fisikoagoa da eta horrek gure prestaketan lagunduko digu”.

Aurkariez ere argi mintzatu zen:

“ADLB kanpoko jaurtiketan sendoa da, errebote erasokorra ondo lantzen du eta intentsitate handiz defendatzen du. Agian partida pixka bat goiz iritsi zaigu, aurre-denboraldia orain hasi baitugu, baina ziur ondorio positiboak ateratzeko balioko digula”.

Tolosa, inoiz baino gazteago

Aurreko denboraldian historia egin ostean —bere multzoan hirugarren postuan amaituta Tercera FEB ligan—, taldeak gaztetasunaren aldeko apustua areagotu du aurten.

Fitxaketak

  • Amets Irastorza, 18 urte, ala-pibota.

  • Eneko Errasti, 19 urte, kanpoko jokalaria.

  • Joanes Elosegui, 23 urte, kanpoko jokalaria, bigarren taldetik igoa.

Bajak

    • Iñigo Moreno

    • Joritz Sarasola

    • Manex Sorarrain

 

Bloke nagusiak jarraitzen du, baina batez besteko adina jaitsi egin da berriro.

“Aurreko urtean gazteak ginen eta aurten are gazteagoak gara. Horrek gogor eta intentsitatez entrenatzea ahalbidetzen digu, nahiz eta amaiera estuetan esperientzia falta izan dezakegun. Hala ere, ilusio handiz gaude eta iazko maila hobetzea dugu helburu”, azaldu zuen Artetxek.

Denboraldiko lehen erronka handia

ADLBren aurkako partida lehen proba gogorra izango da tolosarrentzat. Taldeak aukera izango du fitxaketa berriak integratzeko eta bere prestaketa-maila neurtzeko, nazioarteko aurkari garrantzitsu baten aurka.

Talde gipuzkoarrak ilusioz hartzen du erronka hau, irudi ona emateko asmoz eta, posible bada, garaipen historikoa lortzeko, BENNA Eurorregiones proiektuaren baitan hasten den etapa berri honetan.