Beti aurretik izan ziren partida bizkor batean, Arabako taldeak garaipena eskuratu zuen Miribilla. Emaitza honi esker, Fundacion 5+11 liderra izango da lehen faseko amaieran. Nesken mailan, liderra den Electro Alavesa Araski Ointxe! sekulako sufrimendua izan zuen Easo Ibaeta Basket-en aurka.
MUTILAK
Jardunaldiak partida aurreratu bat zuen: hilaren 5ean, Easo Urdaburuk Toju Fundacion5+11ren kantxan irabazi egin zuen.
Eta asteburuan, sorpresa Miribillan: azken postuan dagoen Electro Alavesa Araberrik Fundación Bilbao Basket taldeari irabazi zion (61-63). Hasiera ikusgarriaren ondoren (7-25), gasteiztarrak aurretik mantendu ziren, etxekoen bultzadei eutsiz. Ibon Lopez de Letonaren mutilak gainetik ipini ziren 39. minutuan, De Castroren hirukoa ostean (61-59), baina Araberri asmatu zen libre marratik garaipena eramateko.
Emaitza honek lehen faseko behin betiko lidergoa eman dio Fundacion 5+11-ri. Gasteiztarrek ez zioten aukerarik eman Take Burruntziri (39-105).
Eta Azkoitian, jardunaldiko derbi gipuzkoarran, luzapen eta garaipena Alter Consulting ISB-rentzat, Mondragon Unibertsitatearen aurrean (72-64). Bisitariak 12 puntugatik irabazten joan ziren hirugarren laurdenean (37-49), baina etxekoek buelta eman zioten 13-0eko partzialari esker. Luzapenean, hasierako 8-0ekoa, Errastiren bi hirukoekin, garaipena ziurtatzeko.
NESKAK
Bilbon hasten gara asteburuko laburpenarekin. Loiola Indautxuk garaipen erosoa erdietsi zuen Fundibide ISB-ren aurka (61-37). Bilbotarrek hasiera ikusgarria sortu zuen (23-3), baina Joseba Lizarralderen neskek erreakzionatu zuen (31-22). Etxekoek ez zieten aukerarik eman nahi eta partida erabakita utzi zuen 21-3ko partzialari esker.
Eta Musakolan, azken segundura arte lan egin behar izan zuen Electo Alavesa Araski Ointxe! liderrak. Txiki Ortiz-en taldeak Easo Ibaeta Basket taldeari irabazi zion, 69-66ko emaitzarekin.
