Igande honetan bukatu da txapelketako lehen zatia eta, azken jardunaldian, Aranguren Mutilbasketek Igoera Faserako azken txartela lortu du. Baina Mutilbarrek azken laurden handia (22 puntu eta 6 hiruko) behar izan dute pasea eskuratzeko. Nafarrekin batera, Araski, Universidad Deusto Loiola Indautxu eta Navarro Villoslada Basket Navarra.
Dena erabaki zen Nafarroako derbian. Edo hobeto esateko, derbiaren azken 10 minutuetan. Aranguren Mutilbasket-ek irabazi behar zuen, baina 30. minutuan 3 puntugatik galtzen joan zen (44-41). Beraz, Mutilbako taldeak bere irudirik onena erakutsi zuen azken laurdenean: 22 puntu eta 6 hiruko, horietako 3 Diez de Ulzurrun-enak, Navarro Villosladari irabazteko (55-63) eta Igoera Faseko laugarren txartela lortzeko.
Kandelazubietan, Leioa SBT-ak egin behar zuena egin zuen. Santi Piedrabuena-renek irabazi egin zuten Universidad Deusto Loiola Indautxuren aurkako derbian (58-52), hirugarren laurdenean ihes egin eta gero (47-31).
Asteburu bikaina Campus Prometerentzat. 13. jardunaldiko partidan, garaipen erosoa derbian, La Rioja ABN-ren aurrean (80-50). Eta 2 jardunaldiko neurketan, Bera Bera Bultz gainditu zuen, 72-63ko emaitzarekin.
Eta lehen faseko amaieran, Lointek Gernika BIzkaiak garaipena eskuratu zuen Zizur Nagusian (54-58). Bizkaitarrek 14 puntuko aldea izan zuten azken laurdenean, baina etxekoen erreakzioa sufritu behar izan zuten.
