Kadete jokalariek egin zuten egun bat geroago, Mondragon Unibertsitatearen juniorrek berriro irabazi zioten Fundacion Bilbao Basket-i. Nesken mailan, Easo Ibaeta Basket bigarren postura igo da, Loiola Indautxu gainditzeari esker.
MUTILAK
Asteburu bikaina Mondragon Unibertsitatearentzat. Larunbatean, luzapenean erabakitako partida batean, kadete taldeak Fundación Bilbao Basket liderrari irabazi zion.
Eta igandean, juniorrek bigarren garaipena eskuratu zuten bizkaitarren aurka, 70-65eko emaitzarekin. Partida oso parekatua hasieratik amaierara (50nako berdinketa 11 minuturen faltan) eta gipuzkoarrek jo zuten unerik egokienean: 7-0eko partziala azken laurdenaren erdialdean eta 11 puntuko aldea (67-56). Bisitariak 4ra hurbildu ziren, baina garaipena Musakolan geratu zen.
Oso parekatua zen ere Easo Urdaburu eta Alter Consulting ISB arteko derbia, txandaketaz beteriko. Bisitariek 5 puntuko aldea izan zuten azken minutuetan, baina etxekoek hiruko batez gozatu zuten partida berdintzeko. Amaiera, Gascan, 77-80ko emaitza.
Eta Ibaiondoko derbian, Fundación 5+11 liderrak ez zion aukerarik eman Electro Alavesa Araberriri.
NESKAK
Jardunaldiko interesa bigarren posturako lehian zen. Eta Easo Ibaeta Basketek posizio hori harrapatu zuen, Loiola Indautxuri irabazi eta gero, 64-52ko emaitzarekin. Bizkaitarrek erreakzionatu zuten donostiarren hasiera handia ostean (19-9), baina Samuel Gonzalezek zuzendutako neskek partida erabakita utzi zuten hirugarrenean: 14-0eko partziala eta 51-36.
Eta Azkoitian, Lointek Gernikak garaipen erosoa lortu zuen (34-67). Gaizka Barearenek defentsa bikaina erakutsi zuten: bere aurkariak 9 puntu edo gutxiago saskiratu zuen lau laurdenetan.
