Arabako taldeek sailkapeneko lehen postuak hartu zituzten gizonezkoen senior txapelketetan. Urgatzi Lehen Mailako lehen postuan dago, etxetik kanpoko bigarren garaipen jarraian lortu eta gero. Eta Lakua Centro San Prudencio da Bigarren Mailako liderra, hori bai, beste hiru taldeekin berdinduta.
LEHEN MAILA
Urgatzi bakarkako liderra bihurtu zen, hirugarren garaipen lortu eta gero Donostian. Gasteiztarrek Tecnun Askatuak-i irabazi zioten 73-79ko emaitzarekin, neurketa oso parekatu batean. Etxekoek 4 puntuko aldea izan zuten 3 minutu eta erdiren faltan (70-66). Orduan, Madinabeitiaren hiruko batek eta Uriarteren 8 puntuak garaipena eman zioten liderrari.
Getxo SB eta Atletico San Sebastian taldeek denboraldiko lehen porrotak jaso zituzten. Bizkaitarrek Ordizian galdu zuten, etxekoen lehen zati bikainaren ondoren (37-19) eta kanpokoen %14ª hirukoetan. Eta donostiarrek ez zuten aukerarik izan Bilbon: Universidad Deusto Loiola Indautxuk maila ikusgarria erakutsi zuten lehen minututik (43-19 atsedenaldian).
Urgatziz gain, Redline Mekanika TAKE porrotik gabe mantentzen da, hori bai, garaipen bat gutxiagorekin. Tolosarrek epaia eman zioten lehen laurdenean (5-28), Aranguren Mutilbasket-en kantxan.
Artxandan, denboraldiko lehen garaipena Fundación Bilbao Basket-entzat. Bilbotarrek argi eta garbi irabazi zioten Arri BKL Senior Mutilak taldeari, lehen zati ederrari esker (55-27).
Eta Azpeitian, LBC Cocinas.com-en erremontada Disdira Bitxitegiaren aurka (69-73). Errioxarrek buelta eman zioten 2-12ko partzialarekin (56-60), baina etxekoek ez zuten amore eman eta hiruko bat izan zuten partida berdintzeko.
ESTATISTIKAK
BIGARREN MAILA
Lau talde daude 2-0eko balantzearekin, txapelketako bigarren asteburuaren ostean. Lidergoa hartu zuen Lakua Centro San Prudenciok, Mekalki Aloña Mendi KE-ren aurkako erabateko garaipenari esker (80-39). Hotel Gran Bilbao Berrio Otxoak garaipen erosoa lortu zuen ere, Easo Tordowine aurrean (78-66).
Gehiago lan egin behar izan zuten Alkideba Ointxe eta Mungia SK taldeek. Gipuzkoarrek ezin izan zuten lasaitu azken minutura arte Rodamientos Ariztiren aurka, lehen jardunaldian irabazi zuten taldeen arteko lehian. Eta Mungiak, etxekoek 17 puntuko aldea izan zuten, baina La Salle erremontatu eta azken eraso izan zuten irabazteko, baina ez zuten aprobetxatu (77-76).
Jardunaldiko beste Bizkaiko derbietan, kanpokoen garaipenak. Salleko Renault Autonervion argitasunarekin estreinatu zen Unamunoren zelaian (57-76). Eta Cafetería Tártalo Ibaizabalek Tabirako Baqueren bultzadari eutsi zion Landakon (76-79).
Eta Askartzan, CD Erroibide Irun beste erremontada handia lortzeko zorian egon zen. Leioztarrek 16 puntuko aldea izan zuen 5 minuturen faltan (51-35) eta geroago gipuzkoarren erreakzio ikusgarria: Sergio Martínen gizonek bi jaurtiketa izan zituzten azken jabetzan garaipena lortzeko (55-54).
