Hurrengo Abenduak 6, ostirala, formakuntza saio bat ospatuko dugu Aritzbatalde Kiroldegian (Zarautz), goizeko 10:00etan hasita eta 14:00tan bukatuz.
Formakuntza hau bi zatitan banatuko da, lehenik eta behin Juan Llanezaren eskutik, “Algunos criterios de reclutamiento del talento” gaiarekin. Juanek sekulako ibilbidea dauka saskibaloi profesionalaren munduan. Entrenatzaile bezela hasi zen Sant Josep Badalona klubean eta bere ibilbidea Casademont Gironara arte eraman zuen. Ondoren, Kirol Zuzendari bezela ibili da Lucentum Alicante, Cajasol Sevilla eta Barçan, ekarpen handiak emanez klub guztiei. Gainera, Scouting-ean aditua da eta NBA-ko San Antonio Spurs taldearentzat lan egiten du.
Bigarren zatia Mocho Fernandezek emango du eta “La importancia del rebote ofensivo” gaiaz hitz egingo du. Moncho entrenatzaile oso ezaguna da azken 14 urteak ACB mailan egondako Obradoiro-ren lehen entrenatzailea izan baita. Hortaz aparte, saskibaloiean erabiltzen diren estrategia eta taktiketan ezagutza oso sakonak ditu eta teknika entrenatzen ere aditua da. Azkenik, estatistika aurreratuetan sekulako ezagutzak ditu.
Formakuntza hau Zarauzko Kirol Elkartearekin batera antolatu dugu eta irekia izango da baina, aurretik izena eman beharko duzue, plaza mugatuak baitaude.
Izena emateko link honetan sartu behar zarete eta zuen datuekin bete.
Dudarik gabe aukera aparta izango da saskibaloiaz ikasten jarraitzeko!
ANIMATU!
