Datorren 28 eta 29ko asteburuan jolastuko dira Lehen Mailako Koparen Final 4ak.
Neskek Gasteizen jolastuko dute Judimendi Gizarte Etxean, sailkatutako taldeetatik JARDINERIA GORBEIA ARASKI delako hoberen sailkatuta dagoena. Lehen final-erdian MAZARREDO FISIOTERAPIA UNAMUNO eta HONDARRIBIA IKASBASKET neurtuko dira arratsaldeko 16:00etan. Bi taldeak igo berriak dira eta oso ondo ezagutzen dira. Edozeinek irabazi dezakeen partidua espero da.
Bigarren final-erdia 18:30etan izango da eta Lehen Mailako goiko partean dauden JARDINERIA GORBEIA ARASKI eta LA SALLE VERSIA-ren artean izango da. Bi talde hauek lehiaketa oso ondo ezagutzen dute eta mailako talde onenetarikoak izanda, sekulako ikuskizuna espero da.
Finala igandean 18:00etan izango da.
Mutilen kasuan Bilboko Jesuitas Ikastolan jolastuko dute UNIVERSIDAD DEUSTO LOIOLA INDAUTXU-ren etxean, hoberen sailkatua dagoen taldea delako. Lehen final-erdia 17:30etan izango da DISDIRA BITXITEGIA ISB eta LA SALLE VERSIA-ren artean. Bi taldeak dinamika oso positiboan datoz sailkapeneko goiko partean. Puntu asko sartzen dituzten bi talde dira beraz ez gara aspertuko.
20:00etan aldiz MEGACALZADO ARDOI eta UNIVERSIDAD DEUSTO LOIOLA INDAUTXU-k jolastuko dute finalean sartzeko helburuarekin. Bi talde hauek TERCERA FEB mailara igotzea dute helburu eta Kopa hau irabaztea aurrera pauso handia ematea izango zen bientzako.
Finala igandean 20:00etan izango da.
Kopa irabazteak badauka bere garrantzia, izan ere, denboraldi amaierako Final 4era zuzenean sailkatzen zara, 8° postutik gora gelditzen bazara. Gainera, Final 4 hori etxean izateko aukera ere badago 2° eta 5° postuen artean geratuta.
Asteburu bikaina edukiko dugu aurretik beraz…
ANIMATU ETA GERTURATU!!
