CB. Santurtzi SK 83 – Toju Fundación 5+11 56

Euskal Ligako Junior mailako partidua ikusteko Santurtzira hurbildu ginen larunbatean. Alde batetik, etxeko taldea, Santurtzi, eta bestetik Toju Fundacion 5+11. Partidu osoan zehar etxeko taldea aurretik joan zen markagailuan.

Gasteizko taldearen aldetik hasiera kaskarra ikusi genuen, lehen laurdenean 6 puntu bakarrik lortu baitzituzten. Santurtziren aldetik defentsako agresibitatea eta puntuak sartzeko erraztasunak 22-6 jarri zuen markagailuan.

Bigarren laurdenean Tojuk saskiratzeetan zein jokoan hobetu zuen eta markagailuan gehituz joan ziren, baina Santurtzik lortutako aldea nahiko handia zen eta joko ona erakusten jarraitu zuten.

Aldageletatik bueltan Gasteizko taldearentzat ez zen dinamika aldatu. Erasoan berriro ere blokeatu egin ziren eta honi Santurtziren defentsako lan gogorra gehituta 5 puntu soilik lortu zituzten. Etxeko taldea bere partidua jokatzen jarraitu zuen, markagailuan puntuak errazak gehituz eta joko ona erakutsiz.

Toju azkenengo laurdenean saskiratze gehiago sartzea lortu zuen, eta Santurtzik lana eginda zuelarik erasoan ere erlaxatu ziren, azkenean 83-56 irabaziz.

EMAKUMEZKOAK:

Fundibide Tabirako Baqueren aurka galdu zuen bere etxean, bigarren laurdenetik kanpoko taldeak partidua menperatuta zuelarik.

Lointek Gernikak Ordiziaren aurka irabazi zuen, ahazteko partidua eta markagailua gutxiengoa izanik. Gernikako jokalari batek lesio larria sufritu zuen eta denbora luzea izango da kantxetatik urrun egongo dena, baina ziur gaude indartsuago bueltatuko dela.

Alaskak Loyola Indautxu 04ren kontrako partidan irabazle atera zen, azkenengo hauek azken laurdenera arte partidua menperatuta izanda ere.

Easok Bera Beraren aurkako derbia irabazi zuen. Partiduaren hasieran Easo hobeto egon zen, baina Bera Berak azkenengo laurdenean berdintzeko gai izan zen.

Jardunaldiko azkenengo partiduan Araberrik GDKO Ibaizabalen aurka irabazi zuen ezberdintasuna txikia izan bazen ere 42-38.

GIZONEZKOAK:

Goizeko bi partiduetan, bai Bilbao Basket Fundazioa, bai 5+11 Fundazioa irabazle atera ziren Electro Alavesa Araberri eta Take Buruntziren aurka. Bilbao Basketek lehenengo laurdenetik apurtu zuen partidua 34-5eko markagailua lortuz, eta Baskoniak laurdenetan zehar joan zen markagailuan aldea lortzen.

Alter Consulting ISB Axa Amurrioren aurka irabazi zuen etxetik kanpo. Etxekoek lehen zatian mantentzea lortu zuten, baina atsedenaldia eta gero, aurkariaren jokoa ezin izan zuten mantendu. Azkenean, 29 puntuko aldea ISBren alde.

Jotake eta Mondragon Unibertsitatearen aurkako partidua berdinduena izan zen. Berdindua izan bazen ere Arrasatekoek garaipen erreza eraman zuten, 57-74.

Easo Mendaur eta Askatuak Hollisen arteko partiduan etxeko taldeak irabazi zuen, laurden bakoitzean 20 puntu baino gehiago sartuz, eta aurkariak 10 puntu baino gutxiagotan utziz. Amaierako emaitza 96-35.