Lehen Fasea amaitzeko jardunaldi baten faltan, jada ezagutzen ditugu EBA Ligara igotzeko borrokatuko duten lau taldeek: Getxo SBT, Redline Mekanika TAKE, Leioa SBT eta Fundación Bilbao Basket. Bigarren Mailan, Alkideba Ointxek Ebaki Solutions San Prudenciori irabazi zion liderren arteko lehian.
LEHEN MAILA
Bizkaiko derbi bikoitza lehen faseko azkenaurreko jardunaldian. Eta poza Kandelazubietan, etxeko taldearentzat. Bigarren zati bikainari esker (52-27), Leioa SBT-k Estudios y Obras Rekalde Unamuno-ri irabazi zion eta Igoera Faserako txartela lortu zuen.
Hurrengo fasean, Igor Urretarenek Redline Mekanika TAKE, Fundación Bilbao Basket eta Getxoren aurka jokatuko dute. Hain zuzen ere, bi bizkaitarrek aurrez aurre egin zuten Bilbao Arenan: hasierako 5-16koa liderrarentzat, bilbotarrek erantzuna eman dute 16-0ekoarekin, 32-25ko emaitza atsedenaldian eta bisitarien 5 hiruko eta 30 puntu aurrea eta garaipena hartzeko (59-71).
Nahiz eta galdu izan, Mikel Torreren taldea lau lehenen artean arituko da, Tecnun Askatuak taldeak lortutako garaipenari esker, Universidad Deusto Loiola Indautxuren kantxan (66-75). Beti gainetik donostiarrak, 22 puntuko aldearekin hirugarren laurdenean (37-59).
Asteburu bikaina Ordiziarentzat. Bigarren fasera bolada onean iritsiko dira Juanan Sarasolaren gizonak, lau garaipen jarraiarekin: larunbatean Tolosan irabazi egin zuten (57-66) eta igandean, atzeratutako partidan, Disdira Bitxitegia ISB gainditu zuten (73-68).
Eta Antzitzar kiroldegian, Aranguren Mutilbasket ihes egin zen hirugarren laurdenean Arri BKL-ri irabazteko (44-58).
BIGARREN MAILA
Liderren arteko lehia Iturripen eta garaipena Alkideba Ointxerentzat, partida oso parekatuaren ondoren. Ebaki Solutions San Prudencio ihes egin zen bigarrenean, 0-11ko partziala ostean (32-40). Baina etxekoek erreakzionatu zuten hirugarren laurdenaren hasieran: 10-2koa partida berdintzeko (46-46). Bisitarien beste bultzada (46-53) eta gipuzkoarren beste erantzuna, hiru hiruko jarraian (57-53). Azken laurdenean, Lorenzo protagonista izan zen: bere taldeko azken 17 puntuetatik 13 saskiratu zituen.
Bidebietan, derbi gipuzkoarra: Easo Tordowinek Getariako Keta Babyauto Sharks gainditu zuen, 70-59ko emaitzarekin. Beti gainetik donostiarrak, baina ezin izan zuten ihes egin azken laurdenaren erdialdera arte, 9-0eko partzialari esker.
Eta Askartzan, Bizkaiko derbian, denboraldiko lehen garaipena lortzear egon zen Escolapios de Bilbao. Iñigo Doñabeitiaren gizonak aurretik ia partida osoan zehar eta 18 puntugatik irabazten joan ziren (30-48) hirugarren laurdenean. Baina azken 14 minutuetan 5 puntu besterik ez saskiratu ahal izan zituzten eta leioztarrek buelta eman zioten 27-2ko partzial ikusgarriarekin (58-53).
